მზესთან ყველაზე ახლოს მდებარე და მზის სისტემაში ყველაზე პატარა პლანეტაა. მისი რადიუსი მხოლოდ 2,440 კმ-ია. მას მზის გარშემო შემოსატრიალებლად დედამიწის 88 დღე სჭირდება და ამასთან, ამ პერიოდში, ის საკუთარი ღერძის გარშემო მხოლოდ ერთნახევარჯერ შემობრუნებას ასწრებს. ამრიგად, მისი ერთი დღე გრძელდება დედამიწის დაახლოებით 59 დღე. მერკურის დანახვა დედამიწიდანაც შეიძლება ადრე დილით ან შებინდებისას. მის ზედაპირზე მეტეორიტების დაცემისგან გაჩენილი დიდი ღრმულებია და იქ სიცოცხლე არაა, რადგან მასზე არ არის წყალი, დღისით ძალიან ცხელა, ხოლო ღამე კი ყველაფერი იყინება. მის ატმოსფეროში აღმოჩენილია ნატრიუმი, ჟანგბადი, ჰელიუმი, კალიუმი, წყალბადი და არგონი. მას საკუთარი თანამგზავრი არ გააჩნია.

ის პლანეტაა, რომელზედაც ჩვენ ვცხოვრობთ. მესამე პლანეტა მზიდან და ერთადერთი ჩვენს სისტემაში, სადაც ზედაპირზე არის თხევადი წყალი, რომლის გარეშეც პლანეტაზე სიცოცხლე ვერ განვითარდებოდა, ყოველ შემთხვევაში იმ სახით, რაც ჩვენ დღესდღეობით ვიცით და გვაქვს. დედამიწის რადიუსი 6371 კმ -ია და, ჩვენი სისტემის დანარჩენი ციური სხეულებისგან განსხვავებით, მისი ზედაპირის 70% -ზე მეტი დაფარულია წყლით. დანარჩენი სივრცე დაკავებულია კონტინენტებით. დედამიწის კიდევ ერთი მახასიათებელია პლანეტის მანტიის ქვეშ დამალული ტექტონიკური ფირფიტები. ამავე დროს, მათ შეუძლიათ გადაადგილება, თუმცა ძალიან დაბალი სიჩქარით, რაც დროთა განმავლობაში იწვევს ლანდშაფტის ცვლილებას. დედამიწა საკუთარი ღერძის გარშემო 1 ბრუნის გაკეთებას თითქმის 24 საათი ანდომებს, ხოლო სრული ორბიტალური ბრუნი გრძელდება 365 დღე, რაც გაცილებით მეტია უახლოეს მეზობელ პლანეტებთან შედარებით. დედამიწის ერთადერთი ბუნებრივი თანამგზავრი მთვარეა.

მზიდან რიგით მეხუთე  და უდიდესი პლანეტაა ჩვენს სისტემაში. მისი რადიუსი 69912 კმ -ია, ის 19 -ჯერ აღემატება დედამიწას და 10 -ჯერ უფრო პატარაა, ვიდრე მზე. იუპიტერზე წელიწადი მზის სისტემის პლანეტებს შორის ყველაზე გრძელი არ არის, ის გრძელდება 4333 დედამიწის დღე (დედამიწის თითქმის 12 წელი), ხოლო დღის ხანგრძლივობა, დაახლოვებით დედამიწის 10 საათია. იუპიტერი რომაელთა მთავარი ღვთაების სახელია. სწორედ მის საპატივცემულოდ ეწოდა ყველაზე დიდ პლანეტას ეს სახელი. იუპიტერს 67 თანამგზავრი გააჩნია. მათგან ყველაზე დიდები კალისტო, განიმედე, იო და ევროპა არიან. განიმედე არის ყველაზე დიდი თანამგზავრი მთელ მზის სისტემაში, მისი რადიუსია 2634 კმ, რაც 8% -ით აღემატება მერკურის რადიუსს, ჩვენი სისტემის ყველაზე პატარა პლანეტის ზომას.

რიგით მეშვიდე და მესამე უდიდესი პლანეტა, რომლის რადიუსია 25267 კმ. ის სამართლიანად ითვლება ყველაზე ცივ პლანეტად მზის სისტემაში – ტემპერატურა მასზე -224 გრადუს ცელსიუსს აღწევს. წელიწადის ხანგრძლივობა დედამიწის 30,685 დღეა (თითქმის 84 წელი), ხოლო დღე-ღამის ხანგრძლივობა ბევრად არ განსხვავდება დედამიწის დღე-ღამისგან – 17 საათზე ცოტა მეტი. პლანეტის ღერძის ძლიერი დახრილობის გამო, ზოგჯერ ჩანს, თითქოს ის ჩვენი სისტემის დანარჩენი პლანეტებივით კი არ ბრუნავს, არამედ ბურთივით დაგორავს. მას გაცილებით ნაკლები თანამგზავრი ყავს, ვიდრე მეზობელ სატურნს, მხოლოდ 27. ყველაზე ცნობილია ტიტანია, არიელი, ობერონი, უმბრიელი და მირანდა. აღსანიშნავია, როდესაც ასტრონომი უილიამ ჰერშელი  თავისი ტელესკოპით ურანს აკვირდებოდა, თავიდან ვერც კი გააცნობიერა, რომ ის პლანეტას აკვირდებოდა; იგი დარწმუნებული იყო, რომ კომეტას ხედავდა.